உலக பட்டினி தினத்தை முன்னிட்டு, தமிழகம் முழுவதும் பல்வேறு சமூக நல நடவடிக்கைகள் நடைபெற்று வரும் நிலையில், அயப்பாக்கம் பகுதியில் தமிழக வெற்றி கழகத்தின் சார்பில் மனிதநேய நிகழ்வு நடைபெற்றது. கட்சியின் தலைவர் விஜய் வழங்கிய அறிவுறுத்தலின்படி, அயப்பாக்கம் பகுதியைச் சேர்ந்த திரு. E. வேலுமையில் தலைமையில் கட்சி நிர்வாகிகள் இணைந்து முகப்பேர் நொளம்பூர் பகுதியில் அமைந்துள்ள மாற்றுத்திறனாளிகள் காப்பகத்திற்கு சென்று அங்குள்ளவர்களுக்கு மதிய உணவு வழங்கினர்.

உலக பட்டினி தினம் உணவின்றி வாழும் மக்களின் நிலையை எடுத்துரைக்கும் நாளாகக் கடைப்பிடிக்கப்படுகிறது. அதனை முன்னிட்டு நடைபெற்ற இந்த சேவை நிகழ்வில், காப்பகத்தில் தங்கியிருந்தவர்களுக்கு மதிய உணவு வழங்கப்பட்டதுடன், அவர்களின் தேவைகள் பற்றியும் கேட்டறியப்பட்டது.

இந்த நிகழ்வின் போது பேசிய திரு. E. வேலுமையில், “உலக பட்டினி தினத்தின் நோக்கம் யாரும் பசியால் பாதிக்கப்படக்கூடாது என்பதைக் சமூகத்திற்கு நினைவூட்டுவதாகும். அதன்படி சமூக சேவைகளை தொடர்ந்து மேற்கொண்டு வருகிறோம்,” என்று தெரிவித்தார்.

முகப்பேர் நொளம்பூர் பகுதியில் நடைபெற்ற இந்த நிகழ்வுக்கு அப்பகுதி மக்களிடமும் வரவேற்பு கிடைத்தது. சமூக நல நடவடிக்கைகளில் அரசியல் அமைப்புகளின் பங்களிப்பு முக்கியம் என பொதுமக்கள் கருத்து தெரிவித்தனர்.

தமிழகம் முழுவதும் இதுபோன்ற நலத்திட்ட நடவடிக்கைகளை தொடர்ந்து முன்னெடுக்க திட்டமிட்டுள்ளதாக கட்சி நிர்வாகிகள் தெரிவித்துள்ளனர். குறிப்பாக ஏழை, எளிய மக்கள் மற்றும் மாற்றுத்திறனாளிகளுக்கான உதவித் திட்டங்களில் கவனம் செலுத்தப்படும் என்றும் கூறப்பட்டது.