Jagtial District SP Ashok Kumar IPS Reviews Complaints During Grievance Day జగిత్యాల జిల్లా పోలీసు కార్యాలయంలో నిర్వహించిన గ్రీవెన్స్ డే కార్యక్రమంలో జిల్లా ఎస్పీ శ్రీ అశోక్ కుమార్, ఐపీఎస్ ప్రజల నుండి వచ్చిన పలు ఫిర్యాదులను స్వయంగా పరిశీలించారు. ప్రతి సోమవారం ప్రజల సౌకర్యార్థం నిర్వహించే ఈ కార్యక్రమంలో జిల్లాలోని వివిధ ప్రాంతాల నుండి వచ్చిన అర్జీదారులతో ఎస్పీ నేరుగా మాట్లాడి వారి సమస్యలను వివరంగా తెలుసుకున్నారు. ఈ సందర్భంగా మొత్తం ఆరుగురు అర్జీదారులు తమ ఫిర్యాదులను ఎస్పీ దృష్టికి తీసుకురాగా, సంబంధిత అధికారులతో ఫోన్ ద్వారా మాట్లాడి వెంటనే చర్యలు తీసుకోవాలని ఆదేశించారు. బాధితులకు సత్వర న్యాయం జరిగేలా చూడాలని పోలీసు అధికారులకు స్పష్టమైన సూచనలు ఇచ్చారు. ప్రజలకు పోలీస్ శాఖను మరింత చేరువ చేయడం, ప్రజా సమస్యలను త్వరితగతిన పరిష్కరించడం పోలీస్ శాఖ ముఖ్య లక్ష్యమని ఎస్పీ తెలిపారు. పోలీస్ స్టేషన్‌కు వచ్చే ప్రతి ఫిర్యాదుదారుతో మర్యాదపూర్వకంగా మాట్లాడి వారి వినతులను స్వీకరించాలని, ఫిర్యాదులపై క్షేత్ర స్థాయిలో పరిశీలన చేసి వేగంగా స్పందించాలని అధికారులకు సూచించారు. బాధితులకు న్యాయం జరిగే విధంగా పారదర్శకంగా చర్యలు తీసుకోవాలని ఎస్పీ ఆదేశించారు. ప్రజా సమస్యల పరిష్కారానికి తెలంగాణ రాష్ట్ర పోలీస్ శాఖ ఎల్లప్పుడూ కట్టుబడి ఉందని, గ్రీవెన్స్ డే కార్యక్రమం ద్వారా ప్రజలకు నేరుగా పోలీస్ అధికారులను కలిసే అవకాశం కల్పిస్తున్నామని ఎస్పీ అశోక్ కుమార్ తెలిపారు.